ရခိုင်ပြည်နယ်ဆိုင်ရာ အကြံပေးကော်မရှင်၏ ကြားဖြတ် အစီရင်ခံစာ

March 16, 2022

အောက်ပါလင့်မှတဆင့် ဒေါင်းလုတ်ရယူနိုင်ပါသည်။

ဒေါင်းလုပ် PDF ဖိုင်ရယူရန်

Members of The Commission

ကိုဖီအာနန်၊ ကော်မရှင် ဥက္ကဌ

ကိုဖီ အာနန်သည် ကုလသမဂ္ဂအဖွဲ့ကြီး၏ သတ္တမမြောက် အထွေထွေအတွင်းရေးမှူးချုပ်အဖြစ် ၁၉၉၇ ခုနှစ်မှ ၂၀၀၆ ခုနှစ်အထိ တာဝန်ထမ်းဆောင်ခဲ့ပြီး ကုလသမဂ္ဂဝန်ထမ်းများထဲမှ အထွေထွေအတွင်းရေးမှူချုပ်အဖြစ်လာသည့် ပထမဆုံးသော ပုဂ္ဂိုလ်ဖြစ်သည်။ ၂၀၀၁ ခုနှစ်တွင် ငြိမ်းချမ်းရေးနိုဘယ်ဆုကို ကိုဖီ အာနန်နှင့် ကုလသမဂ္ဂအဖွဲ့အစည်းကြီးတို့အား ပူးတွဲချီးမြှင့်ခဲ့သည်။ ၂၀၀၇ ခုနှစ်တွင် မစ္စတာ အာနန်သည် ကိုဖီ အာနန် ဖောင်ဒေးရှင်းကိုတည်ထောင်ခဲ့ပြီး လက်ရှိအချိန်အထိ ဥက္ကဌအဖြစ် တာဝန်ထမ်းဆောင်နေသည်။ဆက္လက္ဖတ္ရႈရန္

ဦးဝင်းမြ၊ ပြည်တွင်း ကော်မရှင်အဖွဲ့ဝင်

ဦးဝင်းမြသည် မြန်မာနိုင်ငံ အမျိုးသားလူ့အခွင့်အရေးကော်မရှင်၏ အကြီးအကဲဖြစ်ပါသည်။ သမ္မတ ဦးသိန်းစိန်လက်ထက် ၂၀၁၁ ခုနှစ် စက်တင်ဘာလတွင် စတင်တာဝန်ထမ်းဆောင်ခဲ့ခြင်းဖြစ်ပါသည်။ သူသည် နိုင်ငံခြားရေးဝန်ကြီးဌာနသို့ ၁၉၆၇ ခုနှစ်တွင် စတင်ဝင်ရောက်ခဲ့ကာ ကာလရှည် တာဝန်ထမ်းဆောင်ခဲ့သူဖြစ်ပါသည်။ သူသည် ၁၉၆၇ မှ ၁၉၉၂ ခုနှစ် အကြားကာလများတွင် ဘန်ကောက်၊ ဖနွမ်ပင်၊ ပါရီတို့ရှိ သံရုံးများနှင့် ဂျနီဗာနှင့် နယူးယောက်ရှိ ကုလသမဂ္ဂသို့ မြန်မာနိုင်ငံဆိုင်ရာ အမြဲတမ်းမစ်ရှင်များတွင်လည်း ရာထူးအဆင့်ဆင့်ဖြင့် တာဝန်ယူထမ်းဆောင်ခဲ့သည်။ သူသည် ကုလသမဂ္ဂဆိုင်ရာ မြန်မာနိုင်ငံ၏ အမြဲတမ်းကိုယ်စားလှယ်အဖြစ် ခန့်အပ်ခြင်းမခံရမှီ ၁၉၉၃ ခုနှစ်တွင် အစ္စရေးလ်နိုင်ငံဆိုင်ရာ မြန်မာသံအမတ်ကြီးအဖြစ် ၉ လကြာတာဝန်ထမ်းဆောင်ခဲ့သည်။ ယင်းနောက် ကုလသမဂ္ဂဆိုင်ရာ မြန်မာနိုင်ငံ၏ အမြဲတမ်းကိုယ်စားလှယ်အဖြစ် ၁၉၉၄ ခုနှစ်မှ ၂၀၀၁ ခုနှစ်အထိ နယူးယောက်မြို့တွင် တာဝန်ထမ်းဆောင်ခဲ့သည်။ အဆိုပါကာလအတွင်းမှာပင် သူသည် ကျူးဘားနှင့် မက္ကဆီကိုနိုင်ငံဆိုင်ရာ သံအမတ်ရာထူးကိုပါ ပူးတွဲတာဝန်ယူခဲ့သည်။ ၂၀၀၁ ခုနှစ်တွင် နိုင်ငံတကာအဖွဲ့အစည်းများနှင့် စီးပွားရေးဌာနတွင် ညွှန်ကြားရေးမှူးချုပ်အဖြစ် ပြောင်းလဲ တာဝန်ယူခဲ့သည်။ ထို့အပြင် သူ့အနေဖြင့် ဒီမိုကရေစီ အသွင်ကူးပြောင်းရေးကာလမတိုင်မှီ တပ်မတော် အစိုးရခေါင်းဆောင် ဗိုလ်ချုပ်မှူးကြီး သန်းရွှေ အပါအဝင် မြန်မာထိပ်တန်းခေါင်းဆောင်များအားလုံး၏ အနီးကပ်ဘာသာပြန်အဖြစ် တာဝန်ယူခဲ့သည်။ဆက္လက္ဖတ္ရႈရန္

ဒေါက်တာသာလှရွှေ၊ ပြည်တွင်းကော်မရှင်အဖွဲ့ဝင် မြန်မာနိုင်ငံ ကြက်ခြေနီအသင်း နာယက

ဆက္လက္ဖတ္ရႈရန္

ဦးအေးလွင်၊ ပြည်တွင်းကော်မရှင်အဖွဲ့ဝင်

ဟာဂျီ ဦးအေးလွင်သည် မြန်မာနိုင်ငံ အစ္စလာမ်ရေးရာ စင်တာ အကြီးအကဲနှင့် ငြိမ်းချမ်းမေတ္တာအဖွဲ့ကို တည်ထောင်သူတစ်ဦးဖြစ်ပါသည်။ သူသည် ဗဟာဒူး ရှား ဂူဗိမာန် စီမံခန့်ခွဲမှုကော်မတီ၏ ဘဏ္ဍာရေးမှူးဖြစ်သကဲ့သို့ မြန်မာနိုင်ငံတော်အစိုးရက ကမကထပြုသည့် ဟာ့ဂျ် ခရီးသွားအဖွဲ့၏ ခေါင်းဆောင်အဖြစ်လည်း ၁၉၈၈ ခုနှစ်တွင် ခန့်အပ်ခြင်းခံခဲ့ရပါသည်။ ဆူဖီအစဉ်အလာများနှင့် ပတ်သတ်၍ ကာလကြာရှည် စိတ်ပါဝင်စားမှုရှိခဲ့ပြီး ခလီဖာ အဖြစ်လည်းကောင်း၊ ဝိညာဉ် နည်းပြ အဖြစ်လည်းကောင်း Qadariya Aarliya Sufi တွင် တာဝန်ထမ်းဆောင်ခဲ့ပါသည်။ သူသည် အစ္စလာမ်ဘာသာနှင့် အခြားဘာသာများအကြောင်း စာအုပ်များ ရေးသားခြင်း၊ ဘာသာပြန်ဆိုခြင်းများ ပြုလုပ်ခဲ့ပြီး ပြည်တွင်းပြည်ပတွင် ကျင်းပသည့် နှီးနှောဖလှယ်ပွဲများတွင်လည်း စာတမ်းများဖတ်ကြားခဲ့သူ ဖြစ်ပါသည်။ သူသည် မွေးရပ်မြေ မြန်မာနိုင်ငံတွင် ငြိမ်းချမ်းရေးတည်ဆောက်ရေးနှင့် ပဋိပက္ခ အသွင်ကူးပြောင်းရေးလုပ်ငန်းများတွင် နက်နက်ရှိုင်းရှိုင်းပါဝင်လုပ်ဆောင်နေပါသည်။ ပညာရေးလုပ်ငန်းလုပ်ကိုင်နေသူဖြစ်သည့် ဟာဂျီ ဦးအေးလွင်သည် ကာယကြံ့ခိုင်ရေးပညာရပ်များကို သင်ကြားပေးနေပြီး ရန်ကုန်ရှိ သံတမန်ကျောင်းတွင် စီမံခန့်ခွဲမှု ဘုတ်အဖွဲ့ဝင်အဖြစ် တာဝန်ထမ်းဆောင်နေပါသည်။ဆက္လက္ဖတ္ရႈရန္

ဒေါက်တာမြသီတာ ပြည်တွင်း ကော်မရှင် အဖွဲ့ဝင်

ဆက္လက္ဖတ္ရႈရန္

ဦးခင်မောင်လေး၊ ပြည်တွင်းကော်မရှင်အဖွဲ့ဝင်

ဦးခင်မောင်လေးသည် မြန်မာနိုင်ငံ အမျိုးသားလူ့အခွင့်အရေး ကော်မရှင် အဖွဲ့ဝင်တစ်ဦးဖြစ်ပါသည်။ ကော်မရှင်တွင် တာဝန်ထမ်းဆောင်မှုမပြုခင်က အလုပ်သမားဝန်ကြီးဌာန၊ အလုပ်သမားရေးရာဌာနတွင် ညွှန်ကြားရေးမှူးအဖြစ် တာဝန်ထမ်းဆောင်ခဲ့ပါသည်။ သူ့အနေဖြင့် နိုင်ငံတကာအလုပ်သမားရေးရာ ကိစ္စရပ်များကို တာဝန်ယူဆောင်ရွက်ခဲ့ရပါသည်။ သူသည် အလုပ်သမားရေးရာဝန်ကြီးဌာနတွင် ကာလရှည်တာဝန်ထမ်းဆောင်ခဲ့ပြီး လုပ်ငန်းစစ်ဆေးရေးမှူး၊ အကြီးတန့် လေ့ကျင့်ရေးအရာရှိ၊ လက်ထောက် ညွှန်ကြားရေးမှူးနှင့် ဒုတိယညွှန်ကြားရေးမှူရာထူးများတွင် အဆင့်ဆင့်တာဝန်ယူ ဆောင်ရွက်ခဲ့ပါသည်။ ဦးခင်မောင်လေးသည် ရန်ကုန်နည်းပညာသိပ္ပံတွင် အင်ဂျင်နီယာဘာသာရပ်ကို လေ့ကျင့်သင်ယူခဲ့ပြီး BE (Mechanical) ဘွဲ့ရရှိထားပါသည်။ဆက္လက္ဖတ္ရႈရန္

ဒေါ်စောခင်တင့်၊ ပြည်တွင်း ကော်မရှင်အဖွဲ့ဝင်

ဆက္လက္ဖတ္ရႈရန္

ဂါဆန် ဆလမ်၊ ပြည်ပ ကော်မရှင်အဖွဲ့ဝင်

ဂါဆန် ဆလမ်သည် Sciences-Po (Paris) ၏ နိုင်ငံတကာဆက်ဆံရေးဌာနတွင် ပါမောက္ခတစ်ဦးအဖြစ် တာဝန်ထမ်းဆောင်နေပြီး ပါရီနိုင်ငံတကာရေးရာကျောင်း (PSIA) ၏ တည်ထောင်သူ ဦးဆောင်အဖွဲ့ကို တည်ထောင်သူလည်းဖြစ်သည်။ သူသည် ၂၀၀၀ ခုနှစ်မှ ၂၀၀၃ ခုနှစ်အထိ လက်ဘနွန်နိုင်ငံ၏ အမျိုးသားအမွေအနှစ်များနှင့် အနုပညာများ၏ တာဝန်ခံဖြစ်သည့် ယဉ်ကျေးမှုဝန်ကြီးဌာန၏ ဝန်ကြီးအဖြစ် တာဝန်ထမ်းဆောင်ခဲ့သည်။ ထို့အပြင် သူသည် ကော်မတီ ဥက္ကဌနှင့် ပြောရေးဆိုခွင့်ရှိသူအဖြစ် ၂၀၀၂ ခုနှစ် မတ်လတွင် ကျင်းပသည့် အာရပ်ညီလာခံနှင့် ၂၀၀၂ ခုနှစ် အောက်တိုဘာလတွင်ကျင်းပသည့် Francophone Summit တို့တွင် တာဝန်ထမ်းဆောင်ခဲ့သည်။ ဆလမ်သည် အီရတ်နိုင်ငံဆိုင်ရာ ကုလသမဂ္ဂမစ်ရှင်၏ နိုင်ငံရေးအကြံပေးအဖြစ် ၂၀၀၃ ခုနှစ်တွင် တာဝန်ထမ်းဆောင်ခဲ့ပြီး ကုလသမဂ္ဂ အထွေထွေအတွင်းရေးမှူးချုပ်၏ အကြီးတန်းအကြံပေးအဖြစ် ၂၀၀၃ ခုနှစ်မှ ၂၀၀၅ ခုနှစ်အထိနှင့် ၂၀၁၂ ခုနှစ်တို့တွင် တာဝန်ထမ်းဆောင်ခဲ့သည်။ သူသည် လက်ရှိတွင် နိုင်ငံတကာအကျပ်အတည်းဖြေရှင်းရေးအဖွဲ့ (International Crisis Group) ၏ ဘုတ်အဖွဲ့တွင် ဒုတိယဥက္ကဌရာထူးနှင့် ပွင့်လင်းလူ့အဖွဲ့အစည်းအင်စတီကျုဒ် (Open Society Institute) တွင် ဘုတ်အဖွဲ့ဝင်အဖြစ် တာဝန်ယူထားသည်။ သူသည် Phenix၊ ADELFI နှင့် Al-Idrissi ဆုများ ချီးမြှင့်ခြင်းခံထားရသည့်အပြင် Medaille of the Academie Francaise ဆုတံဆိပ်ကိုလည်း ၂၀၀၄ ခုနှစ်က ပေးအပ်ချီးမြှင့်ခြင်းခံထားရသည်။ ဆလမ်သည် ၂၀၀၄ ခုနှစ်တွင်လည်း Chevalier de la Legion d'honneur …ဆက္လက္ဖတ္ရႈရန္

လက်တီတီရာ ဗန်ဒန် အာဆမ်၊ ပြည်ပ ကော်မရှင် အဖွဲ့ဝင်

သံအမတ်ကြီး လက်တီတီရာ ဗန်ဒန် အာဆမ်သည် နယ်သာလန်နိုင်ငံ နိုင်ငံခြားရေးဝန်ကြီးဌာန၏ အထူးသံတမန်နှင့် သံအမတ်ကြီးအဖြစ်ပါ တာဝန်ထမ်းဆောင်နေသည်။ သံအမတ်ကြီး ဗန်ဒန် အာဆမ်သည် နိုင်ငံတကာရေးရာနယ်ပယ်တွင် ကာလရှည်ကြာပြီး အောင်မြင်စွာ တာဝန်ထမ်းဆောင်ခဲ့သူဖြစ်ပါသည်။ သူမအနေဖြင့် ၁၉၈၈ ခုနှစ်မှ ၁၉၉၂ ခုနှစ်အထိ ကုလသမဂ္ဂ အပြည်ပြည်ဆိုင်ရာကလေးများ ရန်ပုံငွေအဖွဲ့ (UNICEF) ၏ ကိုယ်စားလှယ်အဖြစ် တန်ဇန်းနီးယားနိုင်ငံတွင် ပထမဆုံး တာဝန်ထမ်းဆောင်ခဲ့ပါသည်။ သူမသည် နယ်သာလန်နိုင်ငံ နိုင်ငံခြားရေးဝန်ကြီးဌာနလက်အောက်ခံ နိုင်ငံတကာအဖွဲ့အစည်းများဌာန၏ ညွှင်္နကြားရေးမှူးဖြစ်လာခဲ့ပြီး ၁၉၉၅ ခုနှစ်အထိ တာဝန်ယူခဲ့ပါသည်။ သူမအနေဖြင့် ပထမဆုံး သံတမန်ဆိုင်ရာ ရာထူးဖြင့် ထိုင်းနိုင်ငံတွင် ၁၉၉၅ ခုနှစ်မှ ၂၀၀၀ ခုနှစ်အထိ တာဝန်ထမ်းဆောင်ခဲ့ပြီး ကမ္ဘောဒီးယားနိုင်ငံနှင့် မြန်မာနိုင်ငံများကိုလည်း အသိအမှတ်ပြုတာဝန်ယူခဲ့ရပါသည်။ သံအမတ်ကြီး ဗန်ဒန် အာဆမ် နောက်ထပ် တာဝန်ကျရာနေရာမှာ တောင်အာဖရိကနိုင်ငံဖြစ်ကာ ၄ နှစ်ကြာ တာဝန်ထမ်းဆောင်ခဲ့ပြီး HIV/AIDS ရောဂါဆိုင်ရာ ကိစ္စရပ်များကို အထူးစိတ်ဝင်တစားကိုင်တွယ်ခဲ့ပါသည်။ သူမအနေဖြင့် နယ်သာလန်နိုင်ငံ သံအမတ်အဖြစ် ၂၀၀၆ ခုနှစ်မှ ၂၀၁၁ ခုနှစ်အထိ ကင်ညာနိုင်ငံ၊ ၂၀၁၁ မှ ၂၀၁၂ အထိ မက္ကဆီကိုနိုင်ငံနှင့် ၂၀၁၂ မှ ၂၀၁၅ ခုနှစ်အထိ ဗြိတိန်နိုင်ငံများတွင် ဆက်လက်တာဝန်ထမ်းဆောင်ခဲ့ပါသည်။ သံအမတ်ကြီး ဗန်ဒန် အာဆမ်သည် အမ်စတာဒမ်တက္ကသိုလ်မှ ဥပဒေပညာရပ်ဖြင့် ဘွဲ့ရရှိထားပြီး ကိုလံဘီယာတက္ကသိုလ် ဥပဒေပညာရပ်ကျောင်းမှ ဥပဒေဘာသာရပ်ဆိုင်ရာ မဟာဘွဲ့ (LL.M) ကိုလည်း ရရှိထားပါသည်။ဆက္လက္ဖတ္ရႈရန္

Show more members